Dagsferð í Stuðlagil, Rjúkanda og Vök Baths með leiðsögn

Dagsferð með leiðsögn að Stuðlagili og Rjúkanda ásamt heimsókn í Vök Baths fljótandi heitar laugar.

Tegund ferðar

Dagsferð

TÍMABIL

Fimmtudagar
Júlí – ágúst

Lengd

8 klukkustundir

Erfiðleikastig

Miðlungs

Bókunarfyrirvari

1 dagur

Vinsamlega athugið að þátttakendur verða sóttir milli 08:45 og 09:00. Því biðjum við ykkur að vera tilbúin klukkan 08:45 á þeim stað sem þið óskuðuð eftir að vera sótt.

Ekið verður sem leið liggur að Rjúkanda í Jökuldal og stoppað í 20-30 mínútur. Þaðan liggur leiðin að Stuðlagili sem er einn fegursti staður á Íslandi. Þar er stoppað í um 2-3 klukkutíma en gangan hvora leið tekur um fjörtíu mínútur. Eftir að hafa notið stórbrotinnar fegurðar Stuðlagils sem lætur engan ósnortinn er ekið til baka í Vök Baths við Urriðavatn.

Þar eru fljótandi vakir, gufa, sundlaugarbar, tebar og Vök Bistro sem bíður ykkar og starfsfólkið leggur sig fram um að þið upplifið beina snertingu við náttúruna og nærist á líkama og sál. Vök býður upp á fyrstu fljótandi laugar landsins í Urriðavatni, stóra laug, gufubað, köld úðagöng, vandaða gestaaðstöðu, tebar og veitingastaðinn Vök Bistro með útsýni yfir vatnið og laugarnar og matseðil sem byggir á sjálfbærni og hráefni úr heimabyggð. Einkennisdrykkur Vök Baths er jurtadrykkur bruggaður úr heita vatni Urriðavatns og íslenskum jurtum en heita vatnið hefur fengið þá viðurkenningu að vera eina vottaða heita vatnið til drykkjar hér á landi.

Farþegum er ekið til baka kl. 17.00

Fossinn Rjúkandi í Jökuldal
Fyrsta stopp dagsins verður hjá fossinum Rjúkanda sem staðsettur er í Jökuldal. Við munum ganga upp stuttan spöl upp að fossinum þar sem við getum fylgst með honum falla um 93 metra í tveimur þrepum.

Stuðlagil
Stuðlagil er þekkt fyrir mikið og fallegt stuðlaberg sem einkennir svæðið. Gangan frá bílastæðinu er u.þ.b. 1,5 tímar önnur leið en hún er nokkuð þægileg og á flestra færi. Við gefum okkur um klukkustund til þess að njóta og upplifa Stuðlagil, taka myndir og fá okkur nesti. Við mælum með því að þið takið með ykkur gott nesti í ferðina en annars er hægt að kaupa nestispakka aukalega. Ef þið viljið bæta við nestispakka sem útbúinn er af Vök Baths þá getið þið hakað við “Nestispakki” undir “Aukahlutir” í bókunarferlinu.

Vök Baths fljótandi heitar laugar
Eftir gönguna að Stuðlagili höldum við í Vök Barths sem er staðsett við Urriðavatn nærri Egilsstöðum. Vök Baths samanstendur af fljótandi heitum laugum. Einu sinnar tegundar á Íslandi. Laugarnar liggja á bökkum Urriðavatns með fallegt útsýni yfir vatnið og rólegt og þægilegt andrúmsloft. Þar er einnig að finna bar með aðgengi úr laugunum, gufubað, tebar og Vök Bistro með útsýni yfir vatnið og laugarnar.

Sturtuklefar bjóða upp á prívat sturtur og skápa, hársápa, hárnæring, sturtusápur og krem frá Sóley Organics. Hægt er að leigja handklæði og sundfattnað í bókunarferlinu eða á staðnum.

Hvað þarf ég að taka með?

Göngufatnaður

  • Góðir gönguskór og mjúkir göngusokkar
  • Sundfatnaður fyrir Vök Baths. Í Vök Baths eru sturtusápa, sjampó, hárnæring og húðkrem frá Sóley Organics í boði og auk þess hægt að leigja sundföt, handklæði, flothettur og húfur.
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í bakpokanum

  • Bakpokahlíf / plastpoki inni í bakpokanum
  • Smurt nesti fyrir daginn (Hægt að kaupa nestispakka í bókunarferli)
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður

Hvað er innifalið?

  • Farþegar eru sóttir að Hótel Valaskjálf eða Miðvangi á Egilsstöðum. Farþegum er svo skilað á sama stað eftir ferðina.
  • Reyndur ökumaður og leiðsegjandi.
  • Aðgangur að Vök Baths, einu fljótandi heitum laugum landsins.

Hvað er ekki innifalið?

  • Nestispakka er hægt að kaupa aukalega með því að haka við það í “Aukahlutir” í bókunarferlinu.
  • Sundfattnaður (Hægt að leigja í bókunarferli)
  • Handklæði (Hægt að leigja í bókunarferli)

Leiðsögn

  • Enska
  • Íslenska

Afbókunarreglur

  • Greiða þarf 100% afbókunargjald ef bókun er afbókuð 24 klst. eða minna fyrir þennan viðburð.
  • Greiða þarf 50% afbókunargjald ef bókun er afbókuð 3 dögum eða minna fyrir þennan viðburð.
Messenger